北京重推23條立法甚囂塵上，敏感政圈中人已經「聞」到味，公民黨吳靄儀噚日同八方講，已準備就緒隨時接招，再成立「新23條關注組」，總之阿爺一㩒掣，關注組就開工。當年老董等人強推23條，法律界人士組成「23條關注組」頑抗，後來再有「45條關注組」，係公民黨前身。吳靄儀稱由於23條事關重大，所以不管特首曾蔭權係咪要立法，佢已經擺開個陣，更有意成立「新23條關注組」，召集法律界年輕一輩新力量繼續關注23條立法問題。
吳靄儀解釋，由於當年關注組成員，不少已加入公民黨，日後談及23條言論可能涉及黨立場，因此另起爐灶較好。