國際足球賽出現咗一宗罕見嘅奇聞，就係出現咗一支「假」嘅多哥隊（黃衫），事緣非洲國家多哥足總嘅主席施爾（SeiyiMemene）周二澄清，佢哋從來冇派隊出賽戰上周二客鬥巴林嘅友賽，甚至唔肯定呢班係唔係多哥人，最終嗰場波多哥輸0:3，如果嗰班人唔係多哥國家隊球員，咁佢哋又係咩人呢？巴林方面就話睇場波知道水平好差，之不過從來無懷疑係「假人假波」，皆因佢哋有多哥方面嘅友賽確認信，根據國際賽例，任何國家都可以自行安排友賽，只需要畀番友賽收入稅項國際足協（FIFA）等就可以，但至今FIFA都無咩回應，唔知呢場鬧劇最終點收科！