【本報訊】上月被廣管局裁定違反《電台廣告守則》而腰斬的商台節目《十八仝人愛落區》，由民建聯出資約60萬元製作，首播後遭巿民強烈批評，民間電台FM101成員5月尾狙擊該節目的採訪車，在車上貼上多幅林彬遺照，當中二人昨被警方控以在公眾地方擾亂秩序。立法會議員涂謹申批評警方行動是出於政治考慮，「佢貼啲嘢，好難令人覺得安全受威脅」。
議員批評警方濫告
FM101成員梁穎禮表示，當日只是想「整蠱」商台，「我哋呢啲巿民比廣管局更加早知道佢唔啱，又無權罰佢，咪整蠱佢囉，好似小學生貼烏龜喺人哋背脊咁；佢（商台）收咗60萬，家罰佢3萬，佢點會驚？」5名被捕者只有他和胡永勤被控，他批評警察「多管閒事」，會聯絡律師處理，下周二上庭。
立法會議員涂謹申指，有關罪行的關鍵在於該行為是否令人合理地擔心自己安全受威脅，「你貼一啲嘢，好難話覺得安全受威脅……除非佢好似收數佬咁，貼咩見字見血咁，呢啲直情係恐嚇啦」。他批評警方是「濫告」，是出於政治考慮，「係咪警方怕得罪香港第一大黨？」
FM101成員當日在大美督遇到商台外景車，他們將十數張林彬遺照紙張貼在車上，並一度將一幅林彬遺照大海報鋪在前窗上，高呼「何佐芝（商台創辦人），還林彬一個公道。」商台司機在車上報警，指梁穎禮坐上外景車、叫囂及拍打車窗。