張偉文10月19日會喺文化中心舉行演唱會，噚日佢開記招，搵咗羅敏莊同譚錫禧做嘉賓，張偉文話今次本來想開5場，點知申請2場都好難，佢仲話：「我條腰唔好，企唔耐，文化中心個台唔係咁大，我可以坐住唱，如果喺紅館，都驚賣飛嘅壓力。」講到兩間電視台嘅歌唱比賽人才輩出，張偉文話：「肥媽有叫我去亞視做評判，但我接受唔到家啲歌。」