台灣女星劉心悠剛自紐約返港，她昨日和梁詠琪在中環出席Fancl活動，當新代言人的她谷胸上陣，搶去代言12年的梁詠琪不少風頭。心悠表示無意搶鏡，她說：「都唔係呀，佢係我好欣賞嘅artist。」她謂沒有加墊谷胸：「之前我做fitting叫設計師做緊啲，唔使走光，條裙收得太窄，所以變成咁，同埋之前喺紐約食咗好多牛扒，肥咗少少。」
羨慕林嘉欣
談到林嘉欣秘密懷孕結婚，心悠揚言羨慕，她說：「有人追，不過我未搵到心水，揀男友都要體諒同容忍我哋做呢行嘅時間，我入行5年都未拍過拖。」她笑着否認是乾物女，更乘機賣廣告謂有用補水mask。問到她可會為另一半而退出娛圈？心悠說：「如果係結婚對象都會。」採訪：顏英儀
攝影：葉君海