花旗股市上升，加埋內地冇加息壓力嘅消息刺激，港股好友噚日再下一城，恒指大升400點，報收21658，成交增加至800億，唔似係虛火，亦唔會單係挾淡倉嘅結果。睇過去半個月港股嘅走勢同成交變化，已形成反覆向上格局。
外圍方面，花旗股市都想踢高，巴塞爾新例為銀行嘅資本不足率立下新規矩，香港嘅銀行可以輕易應付，滙控（005）應該好快就係咪加派息有決定。
建行C輪23356：建設銀行（939）報收6.75元，升2.1%。呢排農業銀行（1288）搶晒風頭，但係其他內銀股有炒落後嘅迹象，暫時建行走勢最佳，大成交上破保歷加通道，升破7元睇7.30元，可以諗吓隻C輪23356。
隻輪現價37仙，2011年1月5日到期，行使價6.90元，溢價7.7%，引伸波幅28.7%，槓桿率18.2倍（有效8.8倍），正股升上7.30元，23356睇68.7仙，正股跌穿6.55元就沽咗隻輪止蝕。
俊樺