日本女星藤原紀香噚日中午低調飛咗去台灣，因為聽日佢會為代言嘅奇異果出席宣傳活動，雖然行程保密，但當佢落機出閘見到記者時，仍然保持微笑，大玩親民。紀香噚日着咗綠色外衣配長褲，戴住黑超，盡顯明星風采，佢今次係事隔8年再訪台，佢話一定會抽時間品嚐小籠包。紀香聽日搞活動嘅場地都精挑細選，務求一切盡善盡美。