教育局要中學縮班，噚日可算係教育界黑暗日子，不過教育局卻有喜事，政治助理楊哲安噚日報喜，宣佈太太張燊悅上周末9.11為佢再生多個女，睇唔出佢咁有外父相。
楊哲安噚日畀BB女相片八方睇，眼大面尖皮膚白，似媽媽。楊哲安透露太太上星期五作動，結果星期六順利誕下第二胎，佢話BB出世後連續幾晚冇得瞓，由於要準備噚日宣佈縮班措施，所以冇請假侍產。
張燊悅舊年年頭生大女，跟住再陀第二胎，兩年抱兩，十分努力做人，至於會否再追多個或者多幾個，身體力行減輕本地學校縮班殺校壓力，楊哲安冇透露。根據煲呔標準，要生三個先達標，張燊悅肚皮應該未收得工住喎。