為悅己者容，動物界情況雄性比雌性更甚，你看雄獅的毛髮幾有型就知！今時今日男人才開始流行化妝，算遲了。男人吸引異性要42"胸肌15"手臂都未夠，《星期二檔案》中的筋肉化妝師五官四正都要化妝，更自言一化上癮。若嫌未夠Man，大可學他改個野性的名字——Lion。
記者：吳允冲
攝影：林栢鈞、黃子偉
Makeup:Lion@Dmake（34264717）
Model:Howard@StarzPeople、Kitterick@PureModels
巨肌．不基
被太太笑指出門花時比女人更甚的Lion，三年前更成為全職化妝師，將興趣變成專業。「我由細到大都貪靚！」平日護膚程序做到足，一星期做足5次水份Mask，Facial定期兩星期1次從不偷懶，「我唔做唔舒服！」化妝也是必做，「讀書時已開始拎屋企人啲化妝品嚟玩，到出嚟工作開始畫眉。」成為Part-timeModel後，也開始操肌健身，一星期4次風雨不改，成果15"麒麟臂和結實胸膛大家有目共睹。「變靚」目標達成，飛來蜢多一定正常，不過異性之外更多同性垂青，同志埋身Lion表示確是家常便飯，「真係多到……仲試過有2個朋友主動示愛。」巨肌在Gym中難免引起注目，「最誇張是冲凉時，被人拮爛浴簾偷窺！」雖然Lion大隻溫柔又細心，但事實上一早已婚，更與太太雙雙開設MakeupStudio。幫襯的男士，也是以專業人士居多。
8分鐘7妙招
對於男人化妝，Lion表示：「男人化妝注重TouchUp、自然，同女性着重Colour唔同。」記者近距離觀察，若不事先知道也不覺得他上了妝，效果確實好自然，而且極速8分鐘內定能完事，「我第一注重會係眉形，修眉後可以畫番少少眉粉等個眉形好睇啲；另外就係遮眼圈，同埋將自己本身膚色變得更均勻，粉底薄薄一層已經好足夠，將膚色比較暗啞的T-zone位整番均勻，已經出到街。」眼影、唇膏、胭脂等女子專用的，就切忌咪掂啦！
壹.遮眼圈
視為化妝首要步驟，「通常由內至外，可用手指慢慢將粉底推開，用掃則可對準位置。」妝前應先塗保濕MakeupBase，可令妝效更貼服。
貳.均勻底妝
用Foundation由額頭開始，順着毛孔方向打橫推開，其餘地方如面頰、鼻位可向下掃，「特別注意嘴角、人中位置膚色唔均勻。」之後可由眼開始，以手指慢慢印上碎粉，男士宜選較Tan色的乾粉。
叁.突出輪廓
「每個人左右兩邊面都唔平均，可用Bronzer提升面形。」由太陽穴開始掃向顴骨和下巴，將整片面頰位置打Bronzer，突出輪廓。
肆.畫粗眉
眉形夠Strong，望落精神好多，Lion：「男人眉形唔使修得太幼，最緊要修去眼蓋雜毛（3星期1次），修靚眉形，突出眉峯的Angle。」想眉形更完整，可再用眉粉補色。
伍.遮瘡斑
若時間緊迫或不習慣上全妝，可用密度較高的遮瑕膏針對性遮蓋暗瘡或雀斑。再以細掃將乾粉印在位置上定妝，「千祈唔好掃開，會將遮瑕膏份量拖薄。」
陸.改善眼形
眼線有效改善眼形，眼線由眼頭開始畫起，黑色眼線筆效果更突出，畫時可用另一隻手拉開眼尾，貼着眼睫毛根部畫，不需畫得太長。
柒.畫滴水
有人喜歡古天樂的「大滴水」，但毛髮較少者可用眉粉畫出「人造滴水」。切忌太深色，兩邊長短亦要一致。
升級版PartyLook：SmokyEyes
韓星最愛的SmokyEyes其實簡單易化，輕易可引起注目，唔使2分鐘便可變身SuperJunior。完成底妝後，先由下眼角開始畫下眼線，再以Charcoal或黑色等深色眼影，由外眼角開始將EyeShadow印上，填滿雙眼皮的位置，由深至淺推開即成。
查詢： M.A.C（21187649）