上禮拜港股反覆上升285點，如果唔係VOD沽售中移動（941）嗰單消息影響，恒指累積升幅應該會更大，不過由技術走勢同成交嚟睇，港股炒上嘅form越嚟越強，同花旗股市好似，內地股市偏軟港股照升，花旗股市亦唔係太理會偏淡消息，即係話好友大戶嘅力量主導市況。
上日花旗股市繼續升，港股今日可望造好，市況炒賣氣氛唔錯，一於主攻強勢股同異動股。
蒙牛C輪22807：蒙牛（2319）上日報收24.40元，升2.95%。股價早前由低位反彈之後，連日受制於幾條平均線，上日出現突破，料會上試6月高位26.20元，破位睇27.50元，可以諗吓隻C輪22807。
隻輪現價22.7仙，2011年1月28日到期，行使價25元，溢價11.8%，引伸波幅41.5%，槓桿率10.8倍（有效5.6倍），正股升上27.50元，22807睇41.5仙，升幅超過8成，正股如果跌穿23.30元就沽咗隻輪止蝕。
俊樺