消費blog:酒店中秋特色 海灘浪漫賞月

消費blog:酒店中秋特色 海灘浪漫賞月

下星期中秋節,有冇諗過留港消費,喺酒店book房賞月過中秋?喺香港又有山又有海咁賞月嘅酒店,黃金海岸酒店係其中之一間。諗吓同拖友十指緊扣喺酒店海灘漫步賞月,幾咁浪漫。
黃金海岸酒店所屬嘅信和集團助理傳訊經理Joanna同小妹講,黃金海岸酒店呢個月17至23號期間,推出「月滿.團圓」住宿計,價錢$1,180起,包海景客房一晚連兩位成人同一個小朋友嘅自助早餐,另送芝麻及斑蘭迷你月餅一盒、LED海豚燈。光顧自助晚餐仲有優惠,二人價由$520元起,同行11歲或以下小朋友只收$130,查詢電話:
24528833。

巨型海豚燈籠供拍照

Joanna笑笑口話,集團仲搵咗本地靚女藝術家Esther,幫旗下包括黃金海岸、城巿花園、港島太平洋、皇家太平洋酒店,設計四款造型可愛嘅海豚,製成四呎高巨型海豚燈籠,放喺酒店畀客影相。即日起至10月3號期間,消費者惠顧酒店食肆同海豚燈籠影完相,可以參加月滿.與海豚大合照攝影比賽,入圍十強獲安排跟海豚保育學會去觀豚。
講起沙灘賞月,荃灣汀九嘅帝景酒店環境亦好配合,一樣可行沙灘賞月,環境仲靜啲㖭;公關經理Coby話,佢哋呢個月22同23號都推出中秋節住宿計劃,住一晚價錢$988,「22號(八月十五)嗰晚包雙人消夜自助餐、雪糕月餅同賞月小食籃;23號就包雙人燒烤套餐同賞月小食籃」。查詢電話:37162890。

電郵:mailto:[email protected]