近日忙於喺內地搵人仔嘅台灣女星陳喬恩，噚日專程返台灣為代言嘅內衣拍新一輯廣告，現場見佢着起白色小禮服，大方谷出33D逼爆上圍，只係陳喬恩近排喺內地拍緊新劇《激浪青春》，佢扮演划艇選手，所以成日要暴曬，搞到佢胸同頸都出現唔同膚色，相映成趣。另外陳喬恩近日剝咗四隻智慧齒，搞到無啖好食，成功瘦身同瘦面，更加上鏡。