【模界醜聞之回港反省】28歲中法俄混血名模RosemaryVandenbroucke本周初在美國，因涉嫌藏毒及撞車，兩度被捕，更要扣押監獄。Rosemary媽咪Julie昨日透露Rosemary保釋後，已安全出境，平安返港，但拒提案情。以往對女兒管教甚嚴的Julie，表示會為女兒祈禱，更指Rosemary受到好好的教訓和已醒覺。
名模Rosemary於香港時間本周一在美國內華達州（Nevada）參加BurningManFestival時涉嫌藏毒被捕；保釋後次日，她又在當地涉嫌撞車後不顧而去，被警方連人帶車拘捕，更扣押於Washoe州立監獄。兩度被捕的Rosemary，原定下周返港，但Rosemary媽咪Julie指女兒獲美國律師協助處理案件，昨日已平安離境返抵香港。
Julie說：「我都係同你哋一樣，噚日（即前日）先知，係佢sentSMS畀我，你知啦，佢喺嗰度（拘留所）唔方便打電話。我本來諗住即日上機去幫佢，都去到香港機場，咁佢話可以返嚟喇，我咪冇上機。」鄧達智（William）指Rosemary情緒不穩兼狂喊，Julie對此說：「我都未見到佢，佢喊係因為自己又驚，又掛住我，又聽到William把聲，William好似佢哥哥，聽到熟人關心咪喊囉，家佢心情平和，冇乜嘢。」
Rosemary並未返家
Julie指Rosemary未返回半山寓所，暫住朋友家中。Rosemary涉嫌藏毒，Julie即說：「Detail我唔知，我淨係知佢冇事就得，佢美國有律師handle，平安返到嚟就得。」兩單案件分別於月底29日及下月19審訊，Rosemary幾時要返美上庭？Julie說：「最緊要佢平安返港，證明唔係咁大件事，幾時返都未知。」信不信女兒Rosemary吸毒？Julie說：「關於case嘅嘢，我一個字都唔可以講，總之真實情況大家都唔知，最緊要佢平安，係咪？！」
上載短片交代事件
Rosemary不時瘟仔惹禍，今次更在美國兩度被捕，向來緊張的Julie有冇鬧醒Rosemary？她說：「我係基督徒，家唔會用鬧人嘅方法，以前呢，未靠耶穌嘅愛，我用嘅方法唔啱，佢可能咪反叛。家佢大個女，任何事都要自己負責，我唔係佢經理人，係佢媽咪，我家係支持佢，畀佢知，佢唔係孤獨。今次係一個好好嘅經歷同教訓。」
和毒品扯上關係，大損形象，Rosemary依然得到本地設計師支持，繼續開工，沒被封殺。香港設計師何國鉦會照原定計劃，邀請Rosemary下周為品牌上陣，在善學慈善基金晚會行騷。何國鉦謂和Rosemary通電話後，他透露Rosemary表示擔心自己影響時裝騷，計劃現身交代事件，他說：「佢話好倦，今朝啱啱落機，喺美國瞓得唔好．本來星期四show，約咗下星期二fitting。」Rosemary一向幫助犬隻組織HongKongDogRescue（HKDR），鄧達智透露Rosemary的美國律師，因為未趕及做聲明或文件給Rosemary宣讀，又怕Rosemary未能應付記者Q&A，所以Rosemary昨晚去了HKDR拍攝一條短片，之後上載上網，作為簡單交代事件。
採訪：林妙萍
資料庫：Washoe監獄床位逾千
Rosemary被扣押的Washoe州立監獄（WashoeCountyJail圖），是一大型的州立監獄，內有超過一千張床位。被送進監獄的都是涉嫌在內華達州犯事，包括犯重罪（Felonies）及輕罪（Misdemeanors）的疑犯或囚犯。被拘留的人獲提供不同顏色服飾以便區分，紅色予較危險犯人，啡色予輕犯，工犯則穿間條衫。若警衞認為犯人有藏毒的可能性，亦有權採取俗稱「通櫃」的全身檢查。
話你知：美國法例疑犯可離境
Rosemary在美國內華達州涉嫌藏毒及撞車不顧而去兩被拘捕，獲准保釋後仍可離境返港。律師黃國桐昨日表示，由於美國的很多州省相連，當局較少作出離境限制，疑犯亦可離開美國範圍，但需於短期內返警局報到。
黃國桐指港、美兩地法律相近，在美藏毒可分自食及與朋輩分享兩種，但後者不管是否涉及金錢，也算是一種販賣，懲罰較高，量刑點視乎份量而定，判刑一至四年不等，若有特別理由或可緩刑。