娛樂圈新面孔天天有，要上位則要使出很多招數。連詩雅剛入娛樂圈，幸好有兒時玩伴方大同教路，所以對娛樂圈有一定認識，聽到好友教路，更讓自己安心。
華納唱片今年推出的新人連詩雅，有老友方大同跟自己同一間唱片公司，所以事前她已向方大同積極取意見，連詩雅說：「細個都算好friend，因為我媽咪係佢媽咪朋友嘅朋友，會一齊出嚟茶敍，一班細路就自己玩。有時一班朋友一齊jam歌，佢都喺度，但佢通常自彈自唱。」
「佢意見好中肯」
自從方大同加入娛樂圈，連詩雅謂已少跟他聯絡，決定簽約加盟同一間唱片公司後，才告訴方大同，她說：「因為我發現同佢同一間唱片公司，所以傾合約之後就同方大同講，問吓佢意見。我對呢行始終認識唔深，聽完佢嘅意見之後安心啲。相信佢由細識到大，佢唔會呃我，而且佢意見好中肯，佢話我個人偏向緊張，要放鬆啲。」而首支派台歌曲《灰伯爵的忌廉遐想》，是方大同寫給連詩雅的。
愛飲咖啡鬆弛
現在工作量漸多，連詩雅會間中到咖啡店坐坐休息，她說：「有時工作好密，真係冇時間畀個腦休息，我會坐低飲杯咖啡，感覺個人會抽離少少，可以幫自己叉吓電。雖然我好鍾意呢份工作，但係休息吓先會有力再繼續做。」
採訪：王連連
攝影：葉君海
髮型、場地：Pop
化妝：KrisWong
服裝：CheapMonday