何超儀與音樂電影結下不解緣，牛王Diesel也與音樂不可分割，故超儀與Diesel的老友鬼鬼交情也一早種下，過去或未來兩者在時裝交叉音樂的活動上，已合作無間，超儀指最愛以highend或古董衣飾來與denim作攪拌，拼出自家風格。
何超儀的電影音樂取向都不屬大路，偏偏深得她心的穿衣打扮卻是全球最大路的denim，當然大路中她也會鑽出personaltaste的康莊小路。
超儀說：「邊個唔係牛仔衫褲由細着到大，denim永遠唔out係可以由後生着到老，尤其係見到NewYork、Brooklyn啲老人家着denim特別有歲月痕迹嘅味道，同埋有100個以上嘅style去玩去襯denim，我就偏向鍾意襯highend或者vintage。」對於是次示範的DieselBlackGold，她則說：「有好重嘅時裝味，尤其以denim配stretchleather同網紗水晶嘅混合，好明顯highend咗好多。」
有格兼有態度
同時能令超儀與Diesel做朋友的另一原因，是Diesel沒間斷過支持音樂與文化，她說：「家好多品牌都話支持音樂，但有時候根本唔夾、牛頭唔搭馬嘴，Diesel就實牙實齒邀請過唔少藝術家同樂隊組合嚟，成個形象係夾嘅，大家都係有格兼有態度。」
期待拍蘇德堡
說到工作，完成與韓星Rain合作的韓劇《逃亡者》後，超儀已落實接拍由金像導演史提芬蘇德堡（StevenSoderbergh）執導的《Contagion》（暫譯《感染》），對於能參與荷李活大製作，她說：「我從來冇set定要喺荷李活有乜嘢一番career，既然有呢個機會，梗係好好咁做啦，而且演員一向都好被動，我又唔係有乜嘢大老闆喺後面撐腰，可以有長遠大計，就算家有自己電影公司，一年都唔會開好多部戲，無論拍華語片抑或西片，我嘅態度始終一樣，可以發揮同埋享受呢個經歷就OK啦。」
精緻手工
牛王Diesel的升級版DieselBlackGold由希臘裔設計師SophiaKokosalaki打造，當然保留denim的年輕火力，也加入其他能彰顯女性溫柔細膩的素材如網紗、水晶beadings等，是個糅合熱情與技術為一體、手藝與工業相輔相成的系列，例如皮革與騾布作出完美的結合，貼身牛仔褲作主打，以人手工匠手法作輾壓，噴漆繪畫及金屬窩釘等帶來一份年輕反叛的氣質，但同時有精緻大都會的韻味。
舊唱片上市
另外，Diesel夥拍意大利寢飾集團Zucchi合作推出的SuccessfulLiving系列已有數年，作品有三大元素分別是騾布、錯視效果以及時尚圖案，值得一提是最新上架的音響系統（SoundSystem）圖案，用上黑白雙色紀念版懷舊唱片、唱盤、唱機及擴音機為圖案核心，再一步與音樂掛鈎。
採訪：MichelleLeung
攝影：MatthewLam
化妝：KarryWong
髮型：VicKwan&SamPanofHairCulture