【模界醜聞之師妹圍攻】混血名模Rosemary在美國涉嫌藏毒及撞車後不顧而去兩度被警方拘捕，事件轟動全城之餘，也令潛藏的藝人毒風潮再受關注。其混血名模好友LisaS.直言模特兒吸毒已不是秘密，周秀娜更斥Rosemary錯晒：「唔單止唔負責任，仲好唔潔身自愛。」
混血模特兒Rosemary在香港時間剛過去的周一及周二，在美國內華達州先後涉嫌藏毒及撞車後不顧而去兩被拘捕。事件昨傳開後震撼模界，一班模界師妹對Rosemary大感失望，o靚模一姐周秀娜昨日接受電話訪問時更直斥其非。
周秀娜說：「Rosemary算係model界嘅公眾人物同代表，佢呢種行為唔止唔負責任，仲好唔潔身自愛，尤其藏毒就更唔啱，我覺得做藝人雖然大壓力，但我從來冇諗過要吸毒，呢樣嘢真係唔可以試。」浸大咪神楊梓瑤看法如一，她說：「好失望，Rosemary係好專業嘅前輩，點解做唔到好榜樣，我覺得無論公眾人物抑或任何人，都千祈唔可以涉毒，毒品傷身又有壞影響。」
o靚模新丁新8模昨在灣仔出席鐘錶展時，成員Hidy說：「之前我做騷見過Rosemary，覺得佢好健康好鍾意佢，以佢為目標，家一下子好失望。」Rika也說：「對佢有少少失望，會影響呢個行業，希望佢以後生性啲。」
LisaS.曾吸大麻
Rosemary的混血名模好友LisaS.昨於中環出席活動時，揚言很擔心Rosemary的狀況，她說：「我沒聽過也沒見過她吸毒。之前我舉行結婚派對，邀請了Rosemary出席，但那天太多人，只跟她sayhi。」LisaS.在模界打滾多年，曾否聽聞有模特兒吸毒？她大笑幾聲後說：「這是一個很愚蠢的問題，很多模特兒都會吸毒，不單止香港，外國都會，這已經不是秘密。每個年代都有人吸毒，我也試過被引誘，我14、15歲初入行時，被人帶去club引誘吸毒，這需要強硬地sayno。」她又直認自己曾吸大麻：「我在年輕時試過吸大麻，但我知道吸毒對皮膚不好，後來就不吸了。現在我最享受睡眠，睡眠已是我的毒品。」
採訪：比華利、歐陽慧恩、李珮洳
攝影：陳慧安
