梁奕倫07年犯官非，之後背着70萬債，經過兩年零八個月，他終於還清所有債務，重見光明，又再雄心壯志搞舞台劇，他說：「家都幾開心，自07年官司之後，唔夠3年時間還晒所有錢，因為嗰時使好多律師費，我不停咁接嘢做，加埋節衣縮食，到家還晒錢，習慣咗慳，所以iPhone都唔敢換，成日俾人笑我孤寒。」
轉型製作舞台劇，又是一個新開始，梁奕倫說：「我都有諗過點解30幾歲人先做第二樣野，之前訪問阿姐，聽到阿姐話40歲先學粵劇，俾佢啟發我，有心係真係唔怕遲，所以下定決心去做。」
輪流做主角
GreenSplashConcepts剛剛成立，之前已經搞過一個音樂劇場，反應不錯，在本月29及30日再推出新音樂劇場《將時間帶到。寂寞》，乘勝追擊，今次梁奕倫會聲演其中一角，主角是另一個公司合作夥伴關逸揚。
關逸揚曾經拍過《志明與春嬌》，又曾經被拍到跟鍾嘉欣共晉晚餐，他說：「我喺加拿大做DJ時已經識嘉欣，大家係好朋友。」新公司新搞作，四個股東會輪流做主角，梁奕倫說：「今次係關逸揚做主角，下次應該到我，第日做大咗，我最想搵容祖兒做女主角，因為佢成日想話做舞台劇！」
採訪、攝影：楊潔雯