剛柔兄弟上陣　包抄姊妹花

剛柔兄弟上陣　包抄姊妹花

誓撐行貨的車主終於等到喇！俗語有云「肥水不流別人田」，豐田代理冠軍車行首次引入Vellfire搶地盤，最新到港的Vellfire350跟大佬Alphard350兩兄弟拍住上，以一剛一柔的外形迎合不同口味的女生，無論是愛Grand的姊姊，還是愛Sporty的妹妹，都要包抄追到手。

記者：許維雅
攝影：林栢鈞
Model：Miki、Fi@FameEntertainment

雙間頭燈宣示年輕

七人車Alphard屬豐田旗艦級MPV，多年來於香港長賣長有，受盡大富豪、大家庭及大明星歡迎。隨着中港車需求量大增，七人車自然成為日牌車廠的重點力谷車款，好似以往只得水貨的Vellfire，今年亦由代理皇冠正式引入香港，更強調是日本本土版，以及經工程師悉心調校適合中港路面的原廠避震。透過些少改動打造出一動一靜的旗艦七人車系，兩兄弟有機會一齊拍住上，一網打盡不同喜好的車主歡心，可見車廠花盡心思爭奪MPV市場。基本上，Vellfire與Alphard都同出一條腸，大部份設定及配備都差不多，兩兄弟最大分別在於外形。

兄弟比拼
Alphard

■着重乘坐舒適的大佬用16吋輪圈。

用上傳統紅燈殼的尾燈，加上一體式大燈組合，更顯搶眼。

有多角度調校的環抱式頭枕，更是電動操控，不費吹灰之力。

一組式頭燈及V形鬼面罩感覺較傳統，似斯文貴氣的哥哥。

Vellfire

■多輻式17吋合金輪圈貫徹動感外形。

白燈殼的尾燈繼續以雙間式配合車頭的設計。

中排獨立椅不及大佬豪華，更要人手拉動，但一樣有腳墊。

頭燈以雙間設計，還有帶淺碳黑色的鬼面罩，似動感有型的弟弟。

配備相若相差四萬蚊

刻意將兩車的形象鮮明化，代理醒目地替Alphard襯上米白色內櫳添高貴，而Vellfire就以黑色櫳玩型格。好多人話揀車就好似揀男朋友一樣，愛Grand的家姐Miki就堅持話Alphard好，「唔單止避震懸掛軟啲，坐得舒服啲，中排張獨立椅都高級啲，有電動按鈕調校，好似飛機椅嘅頭枕，仲有導航系統同前泊車鏡頭，買得Alphard梗係越豪華越高貴越好。」
愛Sporty的妹妹Fi就大唱反調，「年輕人揀車梗係要Young，而且Vellfire嘅避震硬啲，揸起嚟都好玩啲，再加埋大1吋嘅17吋胎軨、稍大嘅車身（比Alphard長15mm及闊10mm），梗係揀Vellfire啦！」
除了以上分別，Vellfire的確不輸蝕，引擎規格、馬力、配備等都與Alphard豪華版相若，不過價錢便宜四萬多元，原來妹妹Fi不但愛Sporty，仲好識計數㖭！

內櫳裝備

a.內櫳設有特大雙天窗增加車廂亮度。

b.兩車的豪華配備亦相若，如長途車不能缺少的10吋LCD影音顯示屏。

c.雖然Vellfire車身稍為大一點，但車廂空間感相若，變化一樣靈活。

d.一貫真皮襯桃木的豪華，不過妹妹就更喜歡感覺更Young的電鍍點綴。

兩車規格

引擎：3,456ccV6VVT-i
馬力：274PS/6,200rpm
扭力：340Nm/4,700rpm
傳動：6前速+/-自動波
查詢：23054555（皇冠車行）