出家人眼中，鹿湖原是與世隔絕的靜修之地，但數年前當地多家寺廟拒絕財團收購後，這片佛門清靜地便不斷遭受滋擾，包括被截斷山水、門口擺放屍骨、半夜打來發出怪聲的電話等，儼如黑社會收樓的逼遷招數。
財團收購不遂 怪事頻生
在鹿湖毘梨淨院修行及居住多年的衍慶法師表示，大約三、四年前，有財團開始向該院及附近其他寺廟提出收購，但多數被拒絕，之後便開始發生怪事，「好多大樹無端端俾人斬咗，我哋用山水，但俾人截斷」。她形容以往鹿湖很太平，可以夜不閉戶，但近年經常發生爆竊案件，「淨係我自己，都已經俾人爆竊五次咁多」。
滋擾招數層出不窮，十足十黑社會收樓方式。衍慶法師稱，她不時在半夜收到電話，但電話中只傳來怪聲，各寺院飼養的小狗更被不明來歷的大狗咬得遍體鱗傷，而且恐嚇方式越來越過份，「最近有人斬樹之後，喺樹旁放啲骨頭，同一啲污糟嘢喺度」。
當地修行的出家人不少是獨居，歹徒爆竊有恃無恐。鹿湖大覺寺衍禪法師表示，去年初連寺內三呎乘三呎乘八呎的巨型食水箱也被人整個搬走，「上個月有人喺寺外用電筒照我哋，警察嚟到後，見到有人拎住電筒向山邊走」。本報記者