張師奶（關詠荷）幫上市公司做代言人，斷估最多都係收錢兼任用產品，但做上市公司嘅顧問就唔同嘞，收錢、收product兼夾可以收埋option！
訊通控股（8082）噚日宣布，授出1040萬購股權，俾佢哋個墓園業務顧問姚偉豪！咁姚偉豪係乜水？香港人好熟悉嘅玄學大師楊天命是也！訊通個董事會話，畀option姚生，係因為佢喺墓地風水選址方面有廣泛經驗，集團進軍墓園業務後，佢哋認為姚生嘅經驗可以對集團作出好大貢獻，仲可以幫集團客戶揀墓地……睇風水、搵風水福地搵到有option。
話時話，唔知楊師傅之前算唔算到呢？
李華華