花旗股市前晚復市跌市收場，奧巴馬宣佈刺激經濟新措施對股市冇幫助，投資者嘅焦點落喺歐洲債務危機，歐元受壓，亦影響股市氣氛，不過從技術角度睇，花旗股市短線走勢仲未轉淡。
港股噚日下跌312點收市，相對花旗股市好似跌過龍，主要受中移動（941）被VOD清貨嘅消息拖累，恒指企喺支持位收市，當技術調整睇。
馬鋼C輪22813：馬鞍山鋼鐵（323）噚日報收4.71元，跌2.4%。馬鋼股價喺之前兩日有好好嘅表現，受惠國策，馬鋼業務前景變得正面，未來嘅升浪最少睇5.60元，可以趁低收集馬鋼C輪22813。
隻輪現價75仙，2010年12月30日到期，行使價4.20元，溢價5.1%，引伸波幅45%，槓桿率6.3倍（有效4.5倍），正股升上5.60元，22813睇1.48元，如果正股跌穿4.45元就沽咗隻輪止蝕。
俊樺