陳啟泰（Ken）早前幫有線去台灣拍旅遊節目，同嘉賓黃又南一齊踩單車由北到南，Ken話開頭知道要同細佢廿年嘅又南踩單車，擔心自己會輸蝕，完成旅程後，Ken好得戚咁話：「又南踩單車姿勢有問題，我一發力，佢連我尾燈都睇唔到。」兩個男人朝夕相對做咗好朋友，又南仲透露自己結婚大計，就係三年後，30歲時娶女朋友過門。