花旗股市前晚休市，奧巴馬公開宣佈將加強基建，以為國民製造更多就業機會，好明顯係要為遲啲國會中期選舉造勢，雖然共和黨已經有議員潑冷水，但係花旗股市有可能借消息繼續挾上。
港股再升46點，花旗股市冇開，呢邊轉觀望可以話係預咗，恒指今日向上定向下，就睇噚晚花旗股市嘅表現。由於氣氛好轉咗，個別炒作會繼續維持熱鬧。
中材C輪22090：中材股份（1893）報收6.25元，升1個位。股價早前多次受制保歷加通道頂，未能開展升浪，反覆之後技術走勢已轉強，呢次好大機會拋離保歷加通道頂炒上，逐步推向7.50元，可以諗吓隻C輪22090。
隻輪現價12.7仙，2011年5月30日到期，行使價7元，溢價32.3%，引伸波幅72.2%，槓桿率4.9倍（有效2.7倍），正股見7.50元，22090睇20.3仙，正股跌穿5.70元就沽咗隻輪。
俊樺