「你最想喺35歲前完成咩心願？」渣打香港喺上個月做咗個調查，訪問咗300個年齡介乎28至35歲嘅人，就係問佢哋呢一條問題嘞。結果好正路─最多人想喺35歲前上到車、有自己嘅物業，其次就係「錢搵錢」!
呢班受訪者入面，58%係想喺35歲前買到樓，當中對呢個目標有較大渴求嘅，係介乎28至30歲嘅受訪者，呢個結果都好合理，事關呢個年紀應該係諗緊結婚，好想有自己嘅二人世界。另外，有四成人想「錢搵錢」（渣打話咁樣證明佢哋好需要專業意見幫佢哋積累財富喎！）。至於位列第三嘅，就係同樣佔比28%嘅「成家立室」同埋「做老闆」。
不過，有啲結果就令華華好疑惑，好似排第十嘅係「想擁有相等於1年人工嘅儲蓄」，排名竟然高過排第十八嘅「想喺35歲前退休」，就連「想成功減肥」都只係排第十七，高佢一級咋……香港人，有時真係好難觸摸!
李華華