苦，真喺因人而異！你知道一個月得2,000蚊人工，可以做到啲乜？好似23歲嘅張爽（圖），係今年冬奧得到第7名嘅中國女子冰球隊主將；哈爾濱人、家中獨女，又幾靚女，父母想佢人生過得好啲，讀緊幼稚園已經畀佢學花樣滑冰同芭蕾舞，點知小女孩偏偏喺10歲時選擇玩冰球。由於冰球唔受國家重視，工資試過少到得每月1,000蚊，成績唔突出嘅更加喺零工資。噚日同球隊嚟到香港，接受香港冰球訓練學校創辦人胡文新贊助嘅張爽，玩冰球嘅13年間，曾有星探喺街上搵佢拍雜誌封面，佢都去過試妝，但感覺唔喺好安全，就拒絕再拍封面照了。張爽家最想嘅，係4年後喺冬奧站上頒獎台。