繼張栢芝、黎姿和呂麗君先後產下B仔B女後，42歲的邱淑貞（豆斗）也於上月21日，為沈嘉偉誕下第三胎B女。豆斗好友袁詠儀昨日親口證實豆斗生女喜訊，並大讚B女漂亮。據悉一直恨生仔的豆斗會繼續努力追仔。
邱淑貞99年嫁給I.T時裝王國老闆沈嘉偉後，先後為老公誕下兩女，分別是9歲的沈月和6歲的沈日。由於豆斗一直恨生仔，所以生完兩女後仍不斷努力造人。有消息指豆斗上月21日在嘉諾撒醫院以無痛分娩方式誕下7磅重女嬰，暫名沈星。由於豆斗今次已是第三胎，所以生完女後沒多久，已於上月23日出院回家休息，全程避過傳媒耳目。
「好好好靚女」
據悉豆斗一直恨仔，所以今次第三胎仍然是女，豆斗絕不會放棄造人計劃，希望為老公追番個「慈姑椗」。記者昨致電豆斗好友袁詠儀求證時，她證實豆斗生女喜訊說：「之前我去探過佢，囡囡好得意、好似媽咪，係靚女一名，我都叫我個仔第時留意吓，細幾年就啱o架啦！」問豆斗是否想追多個仔時，靚靚說：「係你哋出邊啲人話之嘛！佢根本無介意生仔定女。」豆斗另一好友吳君如則以短訊回覆：「恭喜晒，真係好好好靚女。」
張茜留港安胎
此外，張衞健太太張茜08年流產後已走出陰霾，有消息指她現時已懷有3個月身孕，由於張衞健對太太非常着緊，除帶同太太返港工作方便照顧外，開工時更委託好友蘇永康和梁漢文等照顧老婆，認真細心。
採訪：葉雪
