陳奕迅（Eason）與徐濠縈的女兒陳康堤今年成功考入名校拔萃女小學，開學日惹來大批記者到校採訪，昨日徐濠縈出席活動時透露Eason對湊女兒上學引來大批記者採訪感到後悔，明年開學日決定不再送女兒上學，免得勞師動眾。
謝婷婷、徐濠縈、鄭欣宜、廖碧兒、吳雨霏和何韻詩昨日在又一城出席Levi'sCurveID相展，各人在照片中展示不同線條美，當中謝婷婷真空穿上透視上衣的照片最性感，不過昨日她帶病上陣，她謂是日前帶Lucas去玩時被其他小朋友傳染感冒。
女兒甩牙感自豪
潮媽徐濠縈表示女兒康堤今年升讀小一，她比女兒更緊張，她說：「我緊張過佢，佢8月尾已經想返學，星期日又希望係星期一，返得好開心。」有指開學日康堤以手遮臉是怕被拍到甩牙的照片，她說：「係我叫佢遮面，因為唔想佢曝光，嗰日放學康堤同同學一齊，怕影響人，甩牙好正常，佢仲好自豪㖭。」
開學日陳奕迅因有大批記者在場而黑面，徐濠縈解釋說：「正常啊，之前開學都有記者，不過嗰日記者人數多到好似行紅地毯，難免黑面，都係想個女做正常人，而且怕煩到學校同家長，再係咁會俾人詐型，Eason都冇諗過咁多人，都好後悔覺得唔應該送女返學。」Eason明年不再送女兒開學？徐濠縈說：「應該唔送喇，私下都可以陪個女，唔想勞師動眾。」
欣宜肚箍修線條
此外，欣宜表示未瘦身前一直買不到合適的牛仔褲，她說：「家都係得兩條牛仔褲，因為我patpat比較細，啱腰圍但臀圍會鬆。」瘦身後買衫更有自信？她說：「都會試多啲，有時會用肚箍，試衫線條會靚啲，不過今日着鬆身衫冇用。」採訪：WanManChi
攝影：EdwardChou