小妹最近加入咗龍女嘅行列，拎住部單鏡反光相機扮吓專業，型到爆燈，衰在揹住個「好麻甩」嘅相機袋，爆。NationalGeographic老友Desmond同小妹講，佢哋啱啱推出潮爆嘅Africa相機袋系列，設計簡約，襯晒龍女啲品味，除咗裝相機外，手機、netbook同啲女人嘢都夠裝。
設計靈感：非洲藤籃
NationalGeographicBag總設計師AlonaKomsky解釋話，Africa相機袋嘅靈感來自非洲大陸經常使用嘅藤籃，採取多重編織做法，具實用性與藝術性兼備，相機袋嘅外觀同埋四個相互重叠嘅小袋，極富層次感又實用，袋身簡約緊湊嘅設計來自InfinityKnot，給人聯想起非洲大陸無邊無界的廣闊視野。再加埋非洲嘅圖騰圖案，感覺內斂而富有內涵，揹住喺身，個人品味即刻提升。
Desmond又話，Africa相機袋系列包括背囊、斜袋、便攜側袋、小巧斜袋、旅行箱、旅行袋等20幾款，龍女可以因應唔同需要選擇，價錢又唔貴，由$230至$3,150不等。即日起喺攝影器材專門店有得賣。小妹都要搵番個非洲袋，咁樣先襯得起部單反。
電郵：mailto:[email protected]