娛樂圈一向現實，唔會有永遠嘅敵人。就好似無綫同hea爆港姐張舒雅咁，之前張舒雅因為推job詐病辣㷫無綫，將佢雪藏之餘，就算選新一屆港姐都唔搵佢加冕。不過，張舒雅最近積極重投工作，馮仁昭聽聞連無綫都有意思搵佢做節目，噚日專登約佢返無綫詳談。咁啱噚日張舒雅將一張電視城嘅相放上微博，話自己重遊舊地，當中似乎已經露出玄機！