台灣歌手費玉清噚晚喺紅館舉行演唱會，除咗潘迪華、徐小鳳（小圖）同鄭裕玲嚟捧場之外，之前飽受喪夫之痛嘅戴思聰太太戴師母，亦都已經收拾傷痛心情，同埋細女戴辛蔚一齊睇騷。噚晚入座率有8成，費玉清喺台上邊話雖然自己第二次嚟香港開騷，但心情都相當緊張，而佢演唱30年代至80年代嘅名曲之外，仲會演唱佢同周杰倫合唱嘅《千里之外》。