正所謂觀點與角度，男女睇嘢可以南轅北轍得好緊要。早排載個女仔Friend返屋企，一架PorscheCaymanS停喺前面燈位，本不為意，不過隔籬位靚女見到架波子車牌係「X0X0X」，懶Cute咁嗌：「XO車呀，好可愛呀！」我反而觸動另一條雄性動物嘅神經，覺得佢喺度「交叉窿我」，惡意挑機咁款喎！當然，我又唔係揸林寶拉利，根本無資格爭番啖氣，而且車牌咩含意，外人好難明。姑勿論結果如何，佢呢個自定車牌已經搶晒馬路上嘅目光，威晒喇。