導演李仁港噚日去到西安，為新片《鴻門宴》進行考察工作。導演話自己去過西安好多次，但係去到鴻門宴博物館就有身歷其境感覺，好似有份參加鴻門宴嘅劉邦、項羽、張良都企咗喺自己眼前咁樣。雖然未有耐選角，但係導演話唔抗拒搵偶像演員參演，仲話好欣賞劉德華嘅演技，又話好期待再同趙薇（小圖）合作。