今年8月24號卸任嘅國資委前主任李榮融（圖），到底任內有咩功過？為人又係點嘅呢？
「我自己評價自己是一個忠臣，忠於黨、忠於事業，為黨、為國家、為事業無怨無悔！」呢番說話，就係李生對自己嘅睇法。
國資委噚日喺網站發表李生卸任當日過千字嘅講話稿，佢除咗強調自己忠黨愛國，仲提到大家久違咗好耐、有「朱鐵面」之稱嘅前總理朱鎔基！
李榮融話，佢做基層工作做咗18年，由一個工人做到無錫市經委副主任，1992年調到北京，第一個入嘅國家機關就係國務院生產辦，而嗰陣嘅生產辦主任就係朱鎔基，「他赤膽忠心、浩然正氣，把堅定的勇氣和嚴謹的工作完美結合，給我留下深刻的印象，也是我學習的榜樣。」
李生仲要加多句師承朱鎔基，仲邊有人夠膽話你7年任內有咩閃失呢？