記者：「發電廠嘅控制室有幾多個女工程師？」
梁偉倫（Michael）：「冇喎……」
在旁的中電公關馬上「提水」：「阿邊個邊個呢。」
Michael：「哦，有一位！我哋啲女同事都係讀工程出身，唔需要特別照顧，巾幗不讓鬚眉o架！哈哈哈哈！」
為複雜大型機組着迷
令Michael雀躍的，彷彿只有一台台發電機組，以及令普通人目眩的「怪獸」數據。女朋友？暫時沒有。
關於龍鼓灘發電廠的種種，中電二級工程師Michael背誦如流，「龍鼓灘發電廠有八台以天然氣發電嘅機組，負責全港四分一嘅電力需求……」，「整個控制室只需六個工程師當值，包括一個主管……」如果沒有下一條問題，他可以滔滔不絕的一直說下去。
04年畢業於香港大學電機工程系的Michael，在逾300人中脫穎而出，成為當年六名中電見習工程師之一。經過年半的「游牧」生涯，他最後如願以償，「落戶」發電廠的運行部。短短數年，Michael已擢升至二級工程師，負責發電機組的監控及操作工作。
一個人的興趣往往建基於能力，繼而影響人生的決定。Michael會考28分，高考物理和純數均取得A級成績，是個百分百理科人，大學時順理成章選修電機工程，再理所當然地加入中電。他表示，工程師要輪流到廠房巡邏，工作環境「又熱又嘈」，雙手及衣服經常被油污弄髒，但「大型機組嘅複雜性」令他着迷，「可能好多大學生都想做寫字樓工嘆冷氣，但操作咁大型嘅機組令我好有成功感」。
機組交到手上要盡責
發電廠的中央控制室內共有56個電腦螢幕，每7個一組，全天候24小時顯示八台發電機的操作數據。每次值班，Michael都要一眼關七，時刻留意發電機的溫度、污染物排放量、餘熱鍋爐水位等逾百組「怪獸」數據。
Michael即場一口氣解釋多個數據的內容，記者只好不斷點頭「扮明」，「有經驗嘅工程師，一眼望過去就知有冇問題」。他說，大部份時間「機組都好乖」，好少「頭暈身熱」，而且控制室設有警報系統，「唔會down咗都唔知」。
要成為一個優秀的工程師，Michael認為團隊精神、責任心及好學的態度缺一不可：「工作要成team人一齊，機組交得喺你手就要有責任心；讀大學有嘅係理論知識，入到嚟要落手落腳，就要由頭學起。」
記者 王智君