花旗股市連升4日，上禮拜五道指報收10447，升127點，短線阻力喺10500至10750區域，由於技術走勢好轉加埋投資情緒冇咁悲觀，如果企穩喺10300樓上，後市樂觀啲。
港股上禮拜尾段轉強，恒指上周五逼近21000關收市，要留意成交明顯增加，今晚花旗股市休假，好友大戶挾上可能會狠啲，有機會大幅拋離21000關。九龍塘再有地皮勾出，地產股今日或會借勢抽高，有助推高指數。
比亞迪C輪22849：比亞迪（1211）上日報收48.65元，升2.6%。股價跌咗一排，近日掉頭回升，壞消息盡出，主要投資者股神畢菲特月底訪問中國，應該會有啲睇頭，可以諗吓隻C輪22849，博正股炒上57.50元。
隻輪現價5仙，2011年5月23日到期，行使價60.88元，溢價35.4%，引伸波幅54.3%，槓桿率9.7倍（有效3.9倍），正股升上57.50元，22849睇9.2仙，正股跌穿45.80元就沽咗隻輪。
俊樺