已為人母的陳慧琳（Kelly）昨天與小童預祝中秋節，提到一歲多的「蝦餃仔」劉昇，Kelly表示為免囝囝超磅，親自為他設計營養餐單，她坦言現階段生活美滿，一家三口樂也融融，有仔萬事足，就算囝囝近日開始學會大叫像「怪獸聲」，但在她心中也是天籟之音。
陳慧琳趁中秋節來臨，昨天到香港仔一間小童社區中心做探訪，與數十名小童提早過中秋。席間母愛盡顯，與小孩玩得不亦樂乎，聽到小孩玩遊戲大叫，她表示聽到也特別感到興奮。
大嗌聲似怪獸
談到已滿一歲的囝囝劉昇，Kelly表示閒時與蝦餃仔在家玩捉迷藏，她說：「家佢仲識得大嗌，整啲奇怪聲音，好似怪獸聲。」今年中秋，Kelly透露與囝囝及家人在家中過節，她說：「舊年蝦餃仔公公買咗好多燈籠畀佢，今年都係用番嗰啲，環保嘛。」
Kelly表示蝦餃仔較跟自己，連老公也呷醋，不過因他已有約25磅，她抱兒子約十分鐘已很累，她說：「佢太大隻，雖然呢個磅數算係正常，但都喺頂點踩緊界。」
為免蝦餃仔過重，Kelly為他親自設計營養餐單，她說：「太油同甜嘢都唔畀佢食，如果飲果汁都係鮮榨，家佢最鍾意飲水同奶，不過我會畀蒸蛋、蒸魚、肉醬意粉、南瓜、豬肉丸佢食，同埋一定要食生果。」現在有仔萬事足，陳慧琳直言現在生活幸褔，享受三人世界，不要求二人世界的浪漫生活，她表示：「唔使太特別要有二人世界，以前我哋都少出街，家燭光晚餐唔使喇，好OK，好sweet唔使營造氣氛，一切在心中啦﹗」
採訪：王連連 攝影：黃偉雄
