9蚊酥肉米線減肥膏　野菌當飯食

用了四天遊麗江，卻沒有因日吃五餐而爆磅，反而微跌幾磅兼消減了些肥膏，相信是麗江有聽從港府溫馨提示，人人少肉多菜，日吃夜吞過橋米線、野菌煲、燕麥餅，齋聽都知是低卡養生，再伴以清幽美景，仲唔有景飲水飽咩！

記者、攝影︰占占美
Model︰Renee@Starzpeople

平貴味道都一樣！

提議各位貪靚港女，要找個地方休養生息，麗江景好食好，好是好在，你可放肆係咁食係咁食，就算日食幾碗米線都無有怕，秘密是在配料及份量！要試最地道米線，我們走進「康惠」，到收銀處點菜，看過菜單，以價錢分類，由8元人民幣（約$9.1）起至160元（約$182.8），最平的有6種配菜，如香酥、雞肉、鵪鶉蛋等，最貴的則有20種配料，內有汽鍋雞、竹節蝦、雪參等。點好菜約十分鐘後，服務員拿來一大鍋熱度直達100℃的雞湯過來，伴隨廿小碟配料，我們先比較8人民幣、30人民幣（約$34.3）的米線，其實……除了以多取勝外，味道賣相都幾乎相同。我選擇最平的，因為已包括最香口卻因熱湯消除了油膩感的酥肉（強烈建議追加多幾份），兩個女仔分吃一碗就剛好，湯亦清甜少味精。還有，我發現麗江的米線比香港的脆身及圓身，吃落較爽。

■過橋米線都是自己落手放入材料至夠過癮。30人民幣套餐都有13種配料，汽鍋雞另叫只須約$9.1。

■最平是8人民幣米線套餐，配有6種配菜，如香酥、雞肉、鵪鶉蛋等，夠食啦！

■中價30人民幣米線套餐，跟13種配菜如銀耳、蝦丸、魚片等。

■驟眼睇，30人民幣（左）和8人民幣的米線真的無分別。

■當地人都很少叫較貴的套餐，反正十元八塊的都很飽了。

a.康惠正宗蒙自過橋米線
地址：麗江福慧路魚米河（市委對面）

菌王必食!料爆煲湯超甜

我是菌王之王，幾乎是菌類都放入口，雲南簡直是我的天堂，當地人的吃菌天堂「東巴谷野山菌」我來了！下午三點入內，人不多，店員推介主打的烏雞煲，我都唔理啦，先看看有甚麼菌可點？一看菜單，有成五十幾種菌類，人少關係，我只點了四種菌，松茸約$100.5（到麗江必吃的養生食材，日本人最愛！這裏平很多！）、茶樹菇（約$43.4）、雞樅（約$77.7）及香菇（約$32），所有配料來到，服務員先將整隻烏雞放入已有杞子、紅棗的煲內，再將所有菌類放入、冚蓋，等約15-20分鐘，OK，可以開蓋。先用湯勺撈起材料，嘩！想不到四種菌份量如此足，我與Renee已經當菌係飯食足3大碗都未食完！野菌煲最緊要是碗湯，略呈啡色的湯，單看已知盡得野菌精華，一飲，不得了，好甜好好飲，又唔油，如果個胃不是已fullybooking，實叫多個米粉整湯米。

■點菜時怕四種菌唔夠食，追加木耳（約$13.7）同酥肉（約$32），梗後悔啦！三種菌已逼爆煲！

■成隻烏雞在你面前傾瀉，無花無假！

b.東巴谷野山菌
地址：麗江花馬街古路灣加油站斜對面

燕麥餅夾雲南火腿絕配！

雲南人平時慣吃粗糧，用上燕麥、小麥製造，比米飯來得健康。雲南菜食材簡樸，更凸顯他們的農家風味。到達專門吃地道雲南菜的「?鷺灣」，那裏就有當地人最愛吃的油炸燕麥餅及雲南火腿，驚訝前者炸後卻不膩，餅內佈滿粗身燕麥，更加香口，配上鹹香火腿，感覺有如Parmaham配麪包，味道好match。另外，要試這裏的酸辣魚鍋和清湯鯽魚湯，兩者都用足四條鯽魚，配多種配料，前者更加入薯仔、豆腐等易吸酸辣味的材料，好惹味；後者不用說，四條魚煲埋一碗湯，想唔甜都幾難，但不至於清，可能煎魚辟腥時油落稍多之故。