袁詠儀（靚靚）昨日38歲生日，不過要工作中度過，她出席時裝品牌YSL於圓方開幕活動，同場還有梁漢文和周汶錡等。問靚靚如何慶祝生日，她說：「今晚約咗伍詠薇、黃佩霞、陳敏之等食飯，之後夜啲會同老公唱K。」問到囝囝魔童有何表示：「佢都冇畫卡，佢知乜係生日，淨係記得自己生日。」
老公忙住玩
記者笑靚靚生日願望會否多追一名小朋友，她表示：「呢啲係計劃，老公唔得閒，唔忙做嘢都忙住玩。」問到她會否效法君如努力，她即笑笑口說：「睇報道好似話佢有咗，君如有秘方，不過問佢一定話冇，我唔信佢，兩星期前見過佢，身體冇乜變樣，希望佢今次有先，到時輪到我，上一胎都係咁。」
採訪：顏英儀
攝影：陳順禎