黑魂SL　雌雄酷愛

又要型又要Cool，黑色絕對是代表，平治全新推出的SL350NightEdition，就正正用了這種冷酷顏色再裝身，由內到外的黑色Options，令感覺矜貴的SL開篷跑車多添一分冷艷，猶如一顆魅力非凡的黑珍珠。有時要型得有格，男女通殺，道理的確如此簡單。

記者：許維雅
攝影：梁細權
Model：Joanne

黑色有別　名牌西裝上身

平治SL開篷車系有很多特別版，繼之前推出SLK200KGrandEdition之後，今次輪到大佬SL350上場。被冠上NightEdition新稱號的特別版，從字面上亦不難理解屬暗黑格調之作。第一眼看見這架開篷辣跑，由停車場駛過來一刻，全黑配搭所帶來的神秘冷酷姿態，確實感覺懾人。

■車側附有一個細小的NightEdition字樣牌仔。

起初亦以為黑色車身無甚麼特別可言？但原來車身上的DesignoMagno深黑車身噴漆是專為NightEdition版而設，比一般黑色的亮度更低沉，雖不算有明顯分別，但感覺就好似一位猛男着了一套更稱身的名牌黑色西裝一樣，氣派有所不同。有靚衫自然跟靚鞋，特別版配備的19吋鈦灰色AMG輕合金輪圈，簡直就是男人的DreamShoes，再跟刻上Mercedes-Benz標誌的銀色前煞車卡鉗，感覺就好似連鞋墊都要名牌一樣，但若然對鞋可以換上近年大熱的黑色輪圈，應該仲煞食。

■DesignoMagno深黑車身噴漆襯托着大圓三星標記，有型！

全黑套裝　盛惠六萬

一位男士要夠魅力，除了衣着打扮，迷人眼神都不能缺少，SL350NightEdition的燈箱用上深黑色作底色，尾燈更有黑間點綴，眼神同樣夠Cool。此時此刻，被迷魂的女生應會立即投懷送抱，內櫳大玩BlackonBlack設計概念，同樣以黑色Nappa真皮粉飾，再以鋁質飾板點綴，由外Cool到內。跑車桶椅上的箭形縫線圖案亦專為特別版而設，令承托力十足的懷抱多添一份新鮮質感，加上SL車系的AIRSCARF頸部保暖系統可於寒冬送出陣陣暖風，那份溫暖既細心又窩心。最後加上黑色軚環轉檔撥片及黑色車內頂篷的配合，全副黑色的武裝較普通版車價貴$60,000。為證身份，當然唔少得一個特別版的嘜頭，所以車側及椅背等位置都鑲嵌了「NightEdition」銘牌。有身份有外形有身價的筍盤，連模特兒Joanne都搶住話要……幫手移車啫，女生暈晒浪，男士更加心動。