秋風起，蟹兒肥，又是一眾蟹癡牙痕手震，情難自禁要放縱的季節，那讓你一次過任食十大國際名蟹又如何？城景國際CityCafe推出蟹逅加菲海鮮自助餐，冰鎮加菲蟹，睡蟹、藍花蟹、阿拉斯加蟹……任搶，蘋果更獨家免費送50位讀者狂擦！
記者：梁美甜
攝影：周旭文
Models：Ayu、Ceci、Black、Rainbow
蟹癡狂想月：蟹國十強上陣
明明食蟹超麻煩，次次要手齒齊施剝餐勁，但既為蟹癡，自難抵受誘惑，再麻煩都願意大花時間拆拆拆，擦餐飽，出名抵食又主題先行的CityCafe，趁秋天蟹肥，由即日起推出「蟹逅加菲．海鮮自助晚餐」，擺出國際十強蟹王大陣，用上澳洲加菲蟹、法國睡蟹（即麪包蟹）、日本松葉蟹、阿拉斯加蟹、日本皇帝蟹、越南軟殼蟹、肉蟹、花蟹、藍花蟹、三點蟹共十款作主打，加上生蠔、翡翠螺、法國青口、刺身等。
十大名蟹齊拆骨
回本海鮮陣：生蠔、法國青口、小龍蝦
食自助講回本，海鮮冰陣必狂掃：原隻冰鎮加菲蟹、生蠔、翡翠螺、松葉蟹腳、法國青口、小龍蝦等等，不夠還有熱盤。大廚Ricky選用澳洲700g重的加菲蟹，用上湯烚熟後再冰鎮保鮮味，蟹身肉滑清甜冰涼。既長且大隻的松葉蟹腳來點輕食，阿拉斯加蟹腳黑醋露笋，採用藍蟹拆肉、鮮蝦肉等打成蟹子醬，配去殼阿拉斯加蟹肉及泰國嫩露笋，微酸的醋配爽口露笋，口感更豐富。
創意睡蟹蒸蛋白
花雕蛋白蒸蟹素來是中式烹調手法，大廚創新地以多膏的法國睡蟹來炮製，豐腴蟹膏與嫩滑蒸蛋令食味更甘香鮮嫩，來個白飯呀唔該！肥蟹以泰國黃咖喱、南薑、金不換等炒香，加入椰汁、椰糖、泰國辣椒油等烹調成泰式咖喱蟹，加上蟹身啖啖肉，超好下飯！最重要是果汁、啤酒無限添飲，中秋節正日更有自家製冰皮月餅供應呢！
花雕蛋白蒸法國睡蟹
以中式炮製法國睡蟹少見，甘香膏多的睡蟹配嫩滑蒸蛋，甘香鮮甜。
芒果蟹肉牛油果
松葉蟹蟹肉結實味甜，配新鮮蔬菜夠晒清爽。
蟹肉鮮甜又勁多菜，有點像吃減肥餐。
阿拉斯加蟹腳黑醋露笋
阿拉斯加蟹海水味重，配藍花蟹肉、蝦肉等打成的醬，鮮香甜美。
秘製避風塘軟殼蟹
體形較細的越南軟殼蟹以避風塘式炒製而成，辛辣惹味。
50位自助餐免費送讀者
城景國際獨家送出名額25個，共50人受惠的自助大餐，只要答中以下問題，連同回郵信封寄回：將軍澳郵箱65264號，信封面請註明「《蘋果日報》蟹逅加菲．海鮮自助晚餐」，便有機會得到兩位用免費「蟹逅加菲．海鮮自助晚餐」名額一個。如有任何爭議，最終決議權歸城景國際，《蘋果日報》概不負責。
問題：自助餐中原隻冰鎮的是甚麼蟹？