由選美、演員轉戰公關界的周嘉玲（Valerie），今年年尾便踏入40歲，進入人生另一個新階段，近月辭了任職多年的PedderGroup市場策劃總監一職，由時裝界轉戰為童裝老闆娘，於中環開設MamaKid童裝conceptstore，一口氣引入歐、美、日30多個新品牌，打造新一代潮B，新舖將於本月開張，實行賺中產媽咪的錢之餘，賺得更大的自由。 撰文：顏英儀
周嘉玲20歲參加香港小姐贏得亞軍後，進入電影圈，到了30歲決定轉行打工加入公關行列，05年與印度籍室內設計師DarrylWilliamGovea結婚，婚後3年誕下女兒，一家三口非常幸福，有條件做少奶奶在家中享福，不過周嘉玲卻熱愛工作，她說：「唔做嘢好浪費時間，我好幸福，人要努力工作先有進步，我做童裝唔係因為我生咗個女，其實我多年前已經睇中童裝市場，我鍾意做零售，童裝市場喺香港仲未成熟而且有新鮮感，Ithinkit'stherighttime。」
看準童裝市場
Valerie於零售業打滾了十年，累積不少經驗，所以由傾牌子合作、買貨、定價都一個人包辦，她說：「其實我入嘅牌子有九成香港都未有，主力賣歐、美、日三地童裝，我哋想做香港第一間童裝conceptstore，我一次過引入大概30隻新牌子，例如美國牌子Lola&James，設計師將古着rocktee再做成細路仔衫，想畀小朋友更多選擇，可以好rock又可以好靚。」
童裝概念店主要針對0至6歲的小朋友，Valerie希望打入中產市場，打造潮BB，她說：「除咗童裝之外，亦有玩具、首飾、CD等，另外亦有小配飾，例如handmade嘅手袋同鑰匙扣。家香港人比較遲生，父母都捨得買畀仔女，mindset已同上一代唔同，小朋友可以更自我，我入嘅童裝又另類又易接受，價錢唔算平，由300元至千多元都有。」
每十年一大變
周嘉玲續說：「我今年年尾將會踏入40歲，之前30歲嘅階段做fashion，做咗10年，Ineedtore-inventmyself，挑戰自己，打工時間set死，家做生意其中一個原因係想工作時間更有彈性，有freedom，除咗時間自由之外，女人出來社會工作賺錢，可以自由地花錢，都係自由嘅一種，距離50歲仲有十年時間，希望畀十年時間努力去做，今次籌備咗差不多半年，都幾大壓力，連白頭髮都多咗，開張後我會親自駐守舖頭，生意係我嘅一定要身體力行。」
至於投資金額，Valerie則不欲透露多少，新店仍在裝修趕工，今次Valerie的丈夫更親自操刀為她擔任室內設計的工作，她說：「我老公做design，同佢好合拍，冇商量，畀佢自己發揮，對佢百分百有信心。」首次做老闆Valerie一早已定下目標，於香港最貴租金的中環開店，她信心十足地說：「我一早要喺中環開，對呢區有一種情意結，新店開喺萬宜大廈，貪嗰度歷史悠久。」
服裝：StellaMcCartney
場地：W52（中環雲咸街）
引入多國品牌
周嘉玲一口氣入了30多個歐、美、日童裝品牌，將新的童裝文化引入香港，與她以前OnPedder的工作十分相似，她說：「幾年前我將ChristianLouboutin、PierreHardy等歐洲牌子引入香港，家我就將外國專做童裝嘅品牌引入，只係分類上唔同，但性質一樣，我入嘅牌子喺外國有好多年歷史，不過大部份香港未有人入過，希望可以畀多啲新鮮嘅選擇畀父母。」當中不乏名牌，如MilkontheRocks、Lola&James、AnnClairePetit、BangBangCopenhagen、LuckyBoysSunday等。
