林嘉華噚日同老婆劉寶珍及一名男性朋友去中環IFC行街，不過嘉華同老婆入咗Zara之後，佢只係顧住同老友打牙骱，由得佢老婆自己揀衫。咁又係，劉寶珍以前做開服裝指導，嘉華啲衫一向都係老婆搞掂，又點使嘉華操心！不過劉寶珍兜咗幾個圈都冇乜心水，於是同嘉華一齊離開。臨走嗰陣，嘉華仲搭住老婆膊頭行，真係恩愛！