楊千嬅、佘詩曼和G.E.M等，昨晚在灣仔出席雜誌頒獎活動。千嬅罕有地低胸現身，她笑着說：「冇o架喇，係咁上下o架喇。」問她會否考慮人工升cup？她說：「唔升喇，覺得好大心理負擔，我升級嘅話，老公都唔認得我，佢欣賞我性格多於身材，唔係點會送羊入虎口。」她更謂曾同老公討論整容問題，老公丁子高即時說：「千祈唔好搞！」
BigFour則獨缺出席另一品牌活動的許志安，張衞健說：「我哋分頭搵嘢做，最近頻撲各地巡迴演出，開心指數爆燈。」他更笑言想找草蜢一同開演唱會，他笑着說：「不過佢哋都25周年囉，到時要叫林珊珊call定一人一架白車畀佢哋先得。」
採訪：R.AuYeung
攝影：MatthewLam