江若琳主演嘅3D鬼片《童眼》有份喺威尼斯影展舉行觀摩首映,佢噚晚就離港出發去當地做宣傳。佢為咗要靚靚撐場,搞到行李勁超磅,佢自爆本來叫媽咪攞2000蚊港幣兌歐元,但最後佢媽咪就換咗2000歐元,一向大頭蝦嘅佢就最擔心唔見咗啲錢,佢話:「我好怕袋咁多錢,所以貴重嘢會搵同事幫手袋住,呢次都好怕自己會大出血。」