許志安昨晚到中環擔任「HarveyNichols2010年秋冬時裝表演」特別嘉賓，他穿上一套黑色軍服行騷。有報道指安仔自爆與Michelle分手後，工作量大減，他說：「我唔回應啦，我多唔多嘢大家一定會知，年尾我會出碟，出年又有音樂會。」有刊物為安仔改花名，問他有否留意？他說：「我少睇雜誌，同埋過咗去嘅嘢唔講喇，反而我想讚吓容祖兒，佢EQ好高，好大量，唔怪嗰個人，好有大將之風。」再問安仔會否於失戀時期多唱苦情歌？他說：「我唔會刻意揀，乜類型歌都會唱。」
李蘢怡稱檢點
活動還有劉鳴煒、林莉、莊思敏及李蘢怡（Tiffany），作性感打扮的Tiffany酥胸半露。早前Tiffany被影到與中年男士到夜店蒲，而且神情迷糊，她對此說：「冇呀，作為公眾人物、紅定唔紅，我行為都好檢點。」採訪：何慧斯
攝影：陳俊強