台灣藝人徐懷鈺年初簽新經理人公司以為有好發展，但係點知佢玩失蹤，結果俾經理人公司透過法律途徑告佢違約，要求賠償400萬新台幣。噚日徐懷鈺嘅經理人公司正式遞交文件告佢，除咗要徐懷鈺賠400萬之外，再追加幫佢傾好喺內地嘅登台同代言利潤300萬，以及預計佢約內可以為公司賺嘅600萬，所以總賠償金額提高到1300萬新台幣。記者去到徐懷鈺屋企搵佢但冇人回應，手提電話又冇人聽，唔怪得有傳佢抑鬱症復發。