王力宏對感情事好低調，佢近排接受台灣《蘋果日報》專訪就自爆曾經諗過同一個女生私奔，佢話：「因為當時看到工作沒有盡頭，我想談戀愛，想進一步了解這個人卻沒時間，所以我很想直接消失。」不過最後佢揀咗工作。翻查王力宏情史，佢同舒淇06到08年曾傳出地下情，仲話分手係因為王力宏放舒淇飛機冇一齊去旅行，私奔女角呼之欲出，求證舒淇經理人Catherine，佢話：「對於這些事我們不回應。」