陳慧琳（Kelly）胞弟陳司翰之前與友人到夜店狂歡，驚動警方。Kelly昨日出席活動，直言少理33歲胞弟的私事，輕責他要為言行負責。Kelly專注湊仔追女大計，談到蝦餃仔學行、上playgroup趣事，越講越心甜。
潮媽陳慧琳昨日在中環出席LG電子用品活動，楊洛婷出任司儀，大會播出一張fans送給其兒子劉昇的嬰兒鞋相，旁邊的Kelly即時會心微笑。Kelly湊仔工作兩邊忙，33歲胞弟陳司翰則愛玩，他日前和資深大狀清洪契仔巫翊鳴（前名巫雨平），在中環夜店舉行狂野派對，拿水槍互射艷女激戰，最終玩出火，有警方到場調查。
不對胞弟囉嗦
Kelly對此表示：「我冇同佢通電話，佢咁大個人，我唔會問長問短，囉囉嗦嗦。」她謂不會過問弟弟私事及感情事，陳司翰也只會向她請教公事，問Kelly可會叮囑弟弟小心言行，她說：「嘩，佢30幾歲人，呢啲責任應該佢自己負番，儍o架咩，佢應該有判斷能力，唔好話我（出聲），父母講都未必有用。」
談到囝囝蝦餃仔，Kelly即時心情雀躍，滔滔不絕說：「佢家一歲一個月，出生以來，影落好多相、拍咗好多片，將來結集成一本佢嘅成長片段留畀佢。」她謂蝦餃仔已認到他自己的樣子，看到桌面的相更會笑，一直恨生女的Kelly，自爆已努力造人，她說：「未有呀，想快啲，好努力o架喇，隨時ready。」
老公呷囝囝醋
Kelly戒口為追女，但老公不配合，她說：「是但啦，有乜生乜，唔揀擇喇。」Kelly開心分享蝦餃仔上playgroup，學行的趣事，又指囝囝黐她，令老公大為呷醋，她說：「我家都冇晒時間扮靚，出街都係買玩具畀佢，惟有等佢瞓咗，我先上網買衫。」
採訪：IngridChan
攝影：ChenWaiOn