【本報訊】在菲律賓脅持人質事件提早獲槍手釋放、但父親傅卓仁罹難的10歲男童傅澤賢，昨開學日缺席，校方指他和母親已從悲痛中平靜下來，澤賢也期望盡快回校上課。
同學：勿氣餒，畀心機讀書
澤賢本學年在九龍塘啟思小學升讀小五，校方拒透露他何時復課。校長陳素明表示，全校對傅家的遭遇感到非常難過，校方日前已探望傅家，「睇到澤賢同媽媽好正面面對佢哋家情況，佢哋希望有個空間，可以好平靜面對佢哋嘅生活」。
陳素明續稱，探訪過程中，澤賢表示希望盡快投入正常學習生活，她承諾提供支援。校方昨為慘劇罹難者默哀，並有教育局心理學家輔導有情緒困擾學生。
澤賢有參加學校歌詠團和籃球隊，認識他的六年級廖同學寄語他不要氣餒，「希望佢可以畀心機繼續讀書，唔好為咗件事令到成績差咗」。小六生何同學表示，班主任教他們勿故意拿着有關慘劇的報道與澤賢討論，碰見他應多加安慰。
開學日 學生及家長的話
澤賢加油
「我之前同佢（傅澤賢）同過班，想叫佢勤力啲讀書，快啲好番，面對新生活。」
讚揚傅太
「傅太好勇敢!佢有好大責任，要湊大兩個小朋友（澤賢和4歲次女頌賢），希望佢勇敢面對。」
