官地拍賣之後港股轉穩，恒指守住100日線，技術指標見改善，雖然仲未有條件大升，但係守得住現水平，上試21000關機會增加。
花旗股市大局未變，前晚大成交守住10000關，有作反彈嘅勢頭，如果上試10300，可以帶動港股炒上。近日受日圓強勢拖累嘅日股造番好啲，嗰邊都要留意，如果反彈持續，對區內股市氣氛會有幫助。
中電信C輪23168：中電信（728）噚日報收3.89元，升3.4%。股價由8月中至8月底兩試100日線，上禮拜更全程喺呢個支持位橫行，噚日大成交向上突破20同50日線，有機會突破4元關推向4.23元，可以諗吓隻C輪23168。
隻輪現價33仙，2010年12月23日到期，行使價3.88元，溢價8.2%，引伸波幅37.3%，槓桿率11.8倍（有效6.5倍），正股升上4.23元，23168睇54.3仙，正股跌穿3.75元就沽咗隻輪。
俊樺